قصة واقعية قصيرة " الطمع قل ما جمع " :-

 

- كان في شاب وسيم اسمه خالد بيعدي الشارع فعينيه لمحت بنت جميلة جدا أية من الجمال فقرر فورا انه لازم يتجوزها وتكون مراته فجري وراها ونادي عليها:-

* خالد:- يا أنسة يا أنسة .

* البنت :- نعم انت بتكلمني انا .

* خالد :- أيوة انا أعجبت بيكي جدا وعايز اتقدملك واتجوزك. 

* البنت سكتت شوية وقالتله:- هو انت عندك شقه . 

* خالد :- لأ معنديش شقة بس .

* البنت :- طب عندك عربية . 

* خالد :- لأ معنديش عربية بس عايز .

* البنت:- طب مرتبك كام . 

* خالد :- انا مبخدش مرتب بس سيبيني اقولك حاجة . 

* البنت :- لأ لا عندك شقه ولا عربية ولا عندك مرتب هتقولي ايه أنا أسفة مش هينفع اقبل بيك اصلا .

* مشي خالد وهو زعلان جدا وقال لنفسه أن البنت ديه جميلة جدا من برة لكن وحشة جدا من جوة وان كل اللي البنت بتفكر فيه هو الفلوس وحمد ربنا انه نورله بصيرته قبل مايقع فيها ولو كانت البنت وافقت بخالد فهو شاب معندوش شقة لكن عنده فيلا وهو فعلا معندوش عربية لكن عنده اسطول عربيات وصحيح مبياخدش مرتب لكن هو صاحب شركة كبيرة صحيح علي رأي المثل الطمع قل ما جمع .